Në kulmin e debatit me opozitën, që e akuzon maxhorancës se po tenton të kapë institucionet e reja të Vetting -ut, qeveria është mbledhur këtë fillim jave dhe ka vendosur të përcaktojë një pagesë shtesë prej 50 përqind të pagës mujore, të të gjithë anëtarëve të institucioneve të rivlerësimit.<br /><br />"Qeveria shqiptare, ashtu siç ka premtuar se do të mbështesë zbatimin e reformës në drejtësi në aspektin buxhetor dhe atë infrastrukturor, me vendimin e sotëm konfirmoi edhe njëherë angazhimin e saj serioz. Mbështetja nga ana e qeverisë përsa i përket buxhetit është një detyrim sa kushtetues edhe ligjor, aq sa edhe shprehja e një vullneti të plotë për rritjen e pagesës me 50% më shumë".<br /><br />Me rritjen e miratuar nga qeveria, pagat e anëtarëve të komisioneve të Vetting -ut janë sa 50% më të larta se pagat e gjyqtarëve të lartë.<br /><br />Mazhoranca ka premtuar se do të rishohë edhe strukturën e organeve të Vetting -ut dhe pagat punonjësve, nëse kjo do t?i kërkohet nga Operacioni Ndërkombëtar i Monitorimit, të cilit qeveria iu drejtua me një kërkesë për opinion, para se të miratonte në parlament strukturën.<br /><br />Tv Klan
